Kom N ka e d traze dzafor pa kaza, N sta ben pruveita privilejiu (imunidadi) d KARGU k N ta izerse na Stadu di Kabu verdi ( ministru, sekretariu, diretor jeral, prizidenti di konselhu di adminitrason vitalisiu, diretor ot, asesor, delegadu, xefi di sirvis, diputadu, prezident d kanbra, guvernador sivil i militar, i tud mas xefia) pa ben na dfeza d onrra, fla sr. kandidatu prezidensial (o sr.adivugadu!), apoiod pa “Dimokratas di papel”, ki nen nho nen otu iluminod na lus d iletra Ka ten lison (reseita) di dimokrasia pa da un UMILDI KONBATENTI DI LIBERDADI DI PATRIA.
Ka e mi ki fla mo jema ta na mesmu saku ku viega! Verdadi e k nen viega i nen jema ankuntra soluson pa justisa, inerjia i agu (electra), turismu, “kasa pa nos pok”, etc.. Nen ka e mi ki fitxa par(a)lamentu pa diputadus sei na pasiata; nen e mi ki dimiti guvernu lukal, rejional i nasional pa faze kanpanha a favor d “misaun inpusiva”; Nen ka e mi k (so ago) manda (stranjer) tapa brok na strada d “terser jereson”, pa pupa kandidatu jema di pirde tenpu na splikason. “E presiz kuraja i pados d lata o ser pateta” pa dnunsia es mintirinhaas d un pais benba! Tb ka min ki anunsia gerra kontra paicv i nen ka e min ki fla mo ningen ka e kapas di ganha PM i Prezident d partid nes ileison. Ka mi ki txoma kamaradas d ratu, traidor, iguista, o ots nom “etiku i deontolojiku” di vokabulariu di “ala jema”. Mi, siplismenti, N tenta skiva PAICV d un tiru na pe, na nomi di SUPERIORS INTERES DI NASON!
Ants mesmu d AL anunsia se kandidatura, Ja-m era apolojista d un kandidatura di A(mor) R (asa) L(iberdadi) d Sidadania. Pamod is, e k mi e se apuiant natural!
Nhu teni razon sr. kandidatu, pa ingredisiment d familia N fazi “Pok koza” ! I nho, k dja perdi 3 (tres) ileison na bespa 4?!
Pa ka ser xatu so sinku nota:
1-Dfensor d liberdadi i dmokrasia, desd d 16 on, ku rezist na pide-DGS i na Plisia Pulitka d KV (ants i dpos d dmokrasia d multigatu);
2-Detidu sob skolta militar tuga, dpos d 25 d abri, na Bubista;
3-Reprezentant d PAIGC junt d Altu Komisariadu pa Diskolonizason, na Bubista;
4-Un d kes urganizador d primer runiaun pulitka, dpos d 25 d abri, na Bubista (ultimu dming d abri);
5-Tres pruses d averiguasaun na kosta, na guvernu PAIGC/CV, i un ot, na MpD, pa luta kontra arbitrariedad;
Ago, N ta pregunta unde staba iluministas na inerjia iletra, bistidu di “dimokratas di papel”, armod, oj, na servidor d partid ? pos, srs sigidor d kandidatu jema (o, “misaun inpusiva”), nhos e PAICV pa benefisiu prop. Na tenpu di kriz, ta dzaparse fepi (tudu). Fui asi na 90, nhas jent!
AL i sis apuiant ka e kontra partids nen kontra nenhun kandidatu. Es e kontra, sin, na injerensia d guvernats i diputadus (lokal zonal rejional nasional) nes luta d 4 (kuat). Pelu menus, dispensa guarda kosta, korr, telele i net, ajuda d kust i bisnis na kusta d pov (Stadu).
Na nom d nos amizad, N ta dispensa alguns kumentars!
Mi tb e di pas, ma si gera k no kre, nhos ta utxo-m na rua d “Toi Pedro” o na rua “ Primer d Moi”!
Olisantu Nateliza, apoiant deskonprometidu d AL, ont oj senpr! So N ta spera, mo dpos d 7 d agost, ka ta tokadu na nha familia, srs. apoiant d kandidat jema ( o misaun inpusiva) te ont Al !
