DANY SPINOLA

LANSAMENTU D' LIVRU DI DANNY SPINOLA
Ku patrusin d Kanbra Munisipal d Sal, na dia 07 d Moi d 2010, na Biblioteka Munisipal “JORGE BARBOSA”, Danny Spínola faze aprezentason/lansamentu d si livr/libr “KABU VERDI I SES ARTIS PLASTIKU - Perkursu & Perspektiva”.
Soment 20 marinheras i marinhers aseita viaja, pa uns ora, nes aventura literariu piuner d Danny. Na fin d viaja, un expluzaun d palmas, bejs i abras(u) pa kapton Danny. Bale pena inbarka nes ivent storiku d kultura d artistas kabverdian!
Es livru (Kab Verd I Ses Arts Plastik, Perkurs & Perspektiva) e kunpost pa segints kapitulu:
I- Intruduson
II- Brev Eskisu sobri Arti Vizual na Kab Verd
III- Manuel Figueira
IV- Domingos Luísa
V- José Maria Barreto
VI- Nelson Lobo
VII- Mito
VIII- Xand Silva
IX- Tutú
X- Nela Barbosa
XI- Misá
XII- Kiki Lima
XIII- Luísa Queirós
XIV- David Levy Lima
XV- Apêndis – Vizaun d Ots
Biografias
Pa kunplita-l (es livru), el inklui un DVD k`un dokumentariu sobr Arts Plastiku na Kab Verd. Ku es obra, Danny Spinola ta propursiona-nu (publiku) un vizaun panoramiku d Arts Plastiku kabuverdianu di es ultimus 30 on/anu.
Na Lingua Kabuverdianu, kada gota ta kunta!
Forsaerea, 14 d Moi d 2010
Antoniu Santiagu Oliveira - Olisantu
CapAM(Ref)00016175
Tel:(238)2411827;Mov:9937349
Email:oliversa3@hotmail.com
http//:olisanto3-natelisa.blogspot.com

MARGINAIS DE EVEL ROCHA

NKUADROD NA II EDISAUN D SMANA MUNISIPAL D IDUKASAUN, REALIZOD PA KANBRA MUNISIPAL D SAL (KMS) (K BA D 26 TI 30 D JULH D 2010), ILDO ROCHA, NA DIA 29 D JULH, NA SALAUN NOBR D PASUS D KUNSELHU, KU PATROSINIU D ASA I KMS, BTA “MARGINAIS” (ROMANS) NA RUA D ARBERA FUNDA PA BA KURRE SI SORT NES MAR D TUBARONS AZUL SEN PIEDAD.
ANTS D ABERTURA, JON GOT, NA VIULIN(U), MUZIKA 2 (DOIS) TEMA D “SOSIEDAD ANONIMU D PULIDORS D KALSADA” (SAPK) PA UMENAJIA PAI D “MARGINAIS”.
JUDITH SANTOS UZA D PALAVRA PA UN BREV DISKURSU D ABIRTURA, NA NOM D KMS, PA, D SGIDA, PASA LEÃO LOPES, APREZENTADOR D OBRA, BOLA D MEIA, PA VINDE SE KABALA FRISKIN, TRAZID D REPUBLIKA SOSIALISTA D SANVISENT, PA SERKA D 70 (STENTA) “MARJINAL” SALENZ I DJADSALENZ, PREZENT NES ATU D LANSAMENTU D OBRAS LITERARIU, K, KADA DIA, STA TA BA TA GANHA TERREN NA DJADSAL.
EVEL ROCHA, NA FIN D SERIMONIA, IMUSIONOD PA RESEPSAUN K MERISE SE TERSER FIDJ (“MARGINAIS”), AGRADISE FAMILIA, AMIGS D INFANSIA, PATRUSINADORS I PUBLIKU PREZENT.
UN BRIND D VINHU D PORTU PA UMENAJIA SERGIO PITBULL, ANTS D SESAUN D AUTOGRAFU.
PA 1000 (MIL) SKUDU KABUVERDIANU, BO PUDE ADKIRI UN EZENPLAR D ES LIVRU - ROMANS “MARGINAIS”.

FORSAEREA, VAGAUN Nº 9, 30 D JULHU D 2010.
REPORTER INSKRIT NA ANJKV, Nº 00016175