Publikason di un monti di novus livru na nos lingua nun anu, e un indikador forti di emansipason progresivu di nos lingua. Outrusin, si na kada anu, novus autor (Kabuverdianu i stranjeru) sa ta faze sakrifisiu di studa alfabetu kabuverdianu (ex-ALUPEC) ku profundidadi ti pontu di uza-l pa faze un kuza ton grandi na vida di un pesoa sima un livru, isu so pode ser prova insofismavel ma kada dia mas i mas algen sa ta adopta es alfabetu.
Por: Marciano Moreira in ASoneline
Trokadu es 2 razon, a titulu di retrospetiva, N sa ta ben rekapitula 11 livru integral o parsialmenti na nos lingua i na nos alfabetu ki publikadu duranti anu 2010:
NA BÓKA NOTI – IV VOLUMI, un livru ku serka di un sentena di kontus tradisional di Djarfogu integralmenti skrebedu na nos lingua, organizadu pa Tomé Varela da Silva. Un livru patrosinadu pa firma Irmãos Correia.
NA BÓKA NOTI – V VOLUMI, un livru ku serka di un sentena di kontus tradisional di Djarfogu integralmenti skrebedu na nos lingua, organizadu pa Tomé Varela da Silva. Un livru patrosinadu pa firma Anjos.
O CABOVERDIANO DE BOLSO, livru produzidu sob orientason di Doutoradu na nos lingua, Franses Nicolas Quint. Es livru e pa turistas ki sabe purtuges, prende bazis di nos lingua di es pa es. Es livru foi patrosinadu pa Union Latinu. Se editora (ASSIMIL) ten projeson mundial i isu ta atribui es livru un selu di kualidadi, tradisional pa livrus di bolsu di ASSIMIL.
VAMOS FALAR CABO-VERDIANO, livru produzidu sob orientason di Doutoradu na nos lingua, Franses Nicolas Quint. Es livru e pa kes ki sabe purtuges, prende ben nos lingua i kultura. Es livru foi patrosinadu pa Union Latinu.
PARAÍSO APAGADO POR UM TROVÃO, livru di poezia, bilingi (kabuverdianu, purtuges), di autoria di poeta kabuverdianu mas premiadu di atualidadi, José Luiz Tavares. Es e 3º edison di un livru ki dja ganha Premiu Mário António – Fundason Calouste Gulbenkian, 2004. Es edison foi patrosinadu pa Universidadi di Santiagu ki e, outrusin, se editora.
TRILOGIA/TRILOJIÂ, un livru bilingi (kabuverdianu, purtuges) ku 3 pesa di drama, di autoria di dramaturgu Armindo Martins Tavares ki e, outrusin, se finansiador.
SONHU SUNHADU, un livru trilingi (kabuverdianu, ingles, purtuges) di poezia, di autoria di Carlota de Barros i patrosinadu pa firma ALVES.
CRIOULOS DE BASE LEXICAL PORTUGUESA COMO FACTORES DE IDENTIDADE EM ÁFRICA – O CASO DE CABO VERDE, disertason di doutoramentu di linguista Carlos Alberto Delgado, patrosinadu pa INPS, ASA, ENAPOR i Ministeriu di Kultura.
NA RODA DO SEXO, un livru di kontus di autoria di Fernando Monteiro. Un di ses kontu sta na nos lingua. Es livru foi patrosinadu pa Kamara Munisipal di Praia.
KAUBERSU, un livru di poezia integralmenti na nos lingua, di autoria di Celestino Duarte (Tinudu) i patrosinadu pa Banco Interatlântico, Grupo Maltauro i Garantia.
DEKLARASON UNIVERSAL DI DIREITUS UMANU – 2º EDISON, un livreti integralmenti na nos lingua, edison di CNDHC i patrosinadu pa ONU.
Ka txiga na nha konhesimentu ma publikadu nen un livru na nos lingua skrebedu ku alfabetu purtuges...
Purtantu, maioria di es livrus publikadu sen finansiamentu di Ministeriu di Kultura. Isu e rekonfortanti i auspisiozu. N ta louva instituisons finansiador.
marciano_moreira@yahoo.com
Por: Marciano Moreira in ASoneline
Trokadu es 2 razon, a titulu di retrospetiva, N sa ta ben rekapitula 11 livru integral o parsialmenti na nos lingua i na nos alfabetu ki publikadu duranti anu 2010:
NA BÓKA NOTI – IV VOLUMI, un livru ku serka di un sentena di kontus tradisional di Djarfogu integralmenti skrebedu na nos lingua, organizadu pa Tomé Varela da Silva. Un livru patrosinadu pa firma Irmãos Correia.
NA BÓKA NOTI – V VOLUMI, un livru ku serka di un sentena di kontus tradisional di Djarfogu integralmenti skrebedu na nos lingua, organizadu pa Tomé Varela da Silva. Un livru patrosinadu pa firma Anjos.
O CABOVERDIANO DE BOLSO, livru produzidu sob orientason di Doutoradu na nos lingua, Franses Nicolas Quint. Es livru e pa turistas ki sabe purtuges, prende bazis di nos lingua di es pa es. Es livru foi patrosinadu pa Union Latinu. Se editora (ASSIMIL) ten projeson mundial i isu ta atribui es livru un selu di kualidadi, tradisional pa livrus di bolsu di ASSIMIL.
VAMOS FALAR CABO-VERDIANO, livru produzidu sob orientason di Doutoradu na nos lingua, Franses Nicolas Quint. Es livru e pa kes ki sabe purtuges, prende ben nos lingua i kultura. Es livru foi patrosinadu pa Union Latinu.
PARAÍSO APAGADO POR UM TROVÃO, livru di poezia, bilingi (kabuverdianu, purtuges), di autoria di poeta kabuverdianu mas premiadu di atualidadi, José Luiz Tavares. Es e 3º edison di un livru ki dja ganha Premiu Mário António – Fundason Calouste Gulbenkian, 2004. Es edison foi patrosinadu pa Universidadi di Santiagu ki e, outrusin, se editora.
TRILOGIA/TRILOJIÂ, un livru bilingi (kabuverdianu, purtuges) ku 3 pesa di drama, di autoria di dramaturgu Armindo Martins Tavares ki e, outrusin, se finansiador.
SONHU SUNHADU, un livru trilingi (kabuverdianu, ingles, purtuges) di poezia, di autoria di Carlota de Barros i patrosinadu pa firma ALVES.
CRIOULOS DE BASE LEXICAL PORTUGUESA COMO FACTORES DE IDENTIDADE EM ÁFRICA – O CASO DE CABO VERDE, disertason di doutoramentu di linguista Carlos Alberto Delgado, patrosinadu pa INPS, ASA, ENAPOR i Ministeriu di Kultura.
NA RODA DO SEXO, un livru di kontus di autoria di Fernando Monteiro. Un di ses kontu sta na nos lingua. Es livru foi patrosinadu pa Kamara Munisipal di Praia.
KAUBERSU, un livru di poezia integralmenti na nos lingua, di autoria di Celestino Duarte (Tinudu) i patrosinadu pa Banco Interatlântico, Grupo Maltauro i Garantia.
DEKLARASON UNIVERSAL DI DIREITUS UMANU – 2º EDISON, un livreti integralmenti na nos lingua, edison di CNDHC i patrosinadu pa ONU.
Ka txiga na nha konhesimentu ma publikadu nen un livru na nos lingua skrebedu ku alfabetu purtuges...
Purtantu, maioria di es livrus publikadu sen finansiamentu di Ministeriu di Kultura. Isu e rekonfortanti i auspisiozu. N ta louva instituisons finansiador.
marciano_moreira@yahoo.com
