Radialista Fernado Carrilho, na dia 20/12/2011, pa 17h, na Salaun Nobri d Pasus d Konselhu d Kanbra Munisipal d Djadsal, faze lansament d si primer pedra - “Os dias da Rádio”, livr d Kronikas kunpost pa 317 pajina, prefasiadu pa Dr. Onésimo Silveira.
Partisipa nes atu kultural d muzika i leitura serka d 50 almas: familiars, kunpanhers d trintxera, amigs i kunxids k apruveita kuadra festivu pa adikiri un izenplar autografadu pa prenda d Natal.
Toi Robert, kunpanher d trintxera d`autor, faze un brevi referensa biografiku d otor pa dipos pidi un minutu di silensiu en onra a Cize, falesid dia 17 d Dzenbr, antis d pasa palavra pa meza kunpost pa Schofield (aprezentador d obra), Tei (reprezentason d PKMS) i Carrilho (autor).
Radialista kamikazianu Mevora (pupilu d Carrilho), inpusibilitod d sta fizikament prezent, dxa un mensaja k Radialista Vava le.
Grupu d “Amigus Tabek” (GAT) furmod pa Masas, Txinoa, Djon d Veris, Zé Kstodie, Dik i Karril anima malta ku mornas i kuladera i ka dixa apagaun d 10/10 minut, pruvukod pa subrekarga d iluminasaun d Natal na Salaun Nobri, straga festa.
Organizasaun Radialista sirvi un merenda dpos d lansament.
Forsaeria, 26 Dzenbr 2011
Sem comentários:
Enviar um comentário