KONSPIRASON M-25

25 d Maiu, Dia d Áfrika, fka tanbe batizadu na storia resent d Forsas Armadu Kauberdianu (FAK) komu dia d M-25 (Muviment Anti-Mateusianismu) liderod pa Kapton d Areia (KA) k , 25 d Moi d 2000, insurji kontra arbitrariedads d Dinastia d kubadura, inplantadu pa prujet d Jeneral Ventoinha na 2RM.

Kapitaun d Areia, saturod d testemunha abuz d puder (persigisons i transferensas) d “rodrigerra”, filozofu d 99% ( “nuventa i nov pursent d sigidors” ), na 25 d Moi d 1999, skribe DESPERTAR (Inu/Marxa d M-25) ta insita ufisiais pa kunpriment d dever storiku d liberta 2RM d ditadura d Dinastia d Kubadura. Na on segint, 25 d Abril d 2000, el labura un sirkular (Abaixu Asinadu) ta sulisita Mandu Superior suspensaun d mandatu d  jeneral ventomania i fin d persigisons i transferensas abuzivu. So k es inisiativa kunstitusiunal kaba pa txiga, nen un bonba,  na ubid d “Nhonho”, atrabes d spions KVM d rejim d Uniku kumand.

Diskubert intentona d M-25, omi forti d rejimi kastrens, pa intimida upuzitors, intensifika persigisons i transferensas , i manda kapangas pa prinde kabesilhas d Muviment. KA kunsigi aburta 2 (dois) tentativa d prizaun, alegandu inkonstitusionalidadi d orda. Xatiadu, sr. majorosada, na dia 25 d Maiu d 2000, na furmatura d 8h00, na Parada d Kubadura, rezulbe, el mesm, izekuta si prop orda d anikilamentu d KA. Sen papa na linga, KA, atrabes d dois ajent duplu, spadja SENHA (DESPERTAR) d Alerta Masimu d Subversaun na Djadsal, Bubista i Sonsent, i el translada Abaixu Asinadu d si kaza pa kaza d Alv(arenga), ajenti duplu. Tal foi spont d Jeneral Faxada, kond el ubi jurnalista Alírio Cabral kanta marxa d M-25 (DESPERTAR) na Radie Nova, pa tud rubera i kutelu di nason berdianu, ta anunsia inisiu d marxa pa derrubu d Dinastia d Kubadura d Jeneral Ventomania ku kunivensa d “Pai Natal”. 

Pa azar o sort, ufisiais i alguns sarjent d M-25 d prumeru linha, falta FORMATURA d DISKORDIA  nes dia. Es mutiv inespirod, liba KA sekrifika si karrera i aseita rendison ku mediason d Stadu Maior d FAK, koronel pilot d aviason, snhor “Pai Natal”, k desluka pa 2RM nun F-25 akonpanhadu ku mas 3 (tres) ofisiais pa tinta paga fogu. Dias dpois, un kumisaun d inkeritu (kunpost pa kurunel Dada i major Karrin) aterra na Bazi Aeria di Forsa Aeria (BAFA)  nun B-25.

Pa es kazu ineditu i singular na FAK, sigidu di pertu pa PRK i Komandanti Xefi,  Kapitaun d Areia kunstitui dois divugadu Jota ( JM i JP ) amigu, inskrit na dizorda di klasi, ki konsedja-l dxa tud na mon d justisa divinu kanstrens. Komu ka tiv kexa d nenhun ator inplikod, asuntu foi julgod pulitikamenti ku mudansa d guvern.   

Sen vensidu nen vinsidor, Kapitaun d Areia reasumi funsons d kumandant d Kunpanhia d Infantaria te pasa pa reforma, i Jeneral Vintuinha transferidu pa Stadu Maior na Praia. Oji es Kumireanu tanbe ja reforma. Sonhu d XSMFA, agu baxu!

Asin, kaidu Dinastia Mateusiana, fui inplantod Dinastia Kabrer pro-M-25, ku mison sufista di serena terrenu. Devidu a reforma d titular, es Dinastia tev pok tenp d vida.

Pos Dinastia Kabrer te oji 2RM dja kunxe 5 (sinku) kumandant (Patria, Republika, Joma, Trokol i Elifanti) i 3 (tres) XSMFA, box odj d M-25.

Pa konxedu, junt inu/marxa (DESPERTAR) d M-25 k anunsia inisiu d marxa pa derrubu d Dinastia d Kubadura d Jeneral Ventomania, eransa Mik B, k Pai Natal teimozament mante na kargu a revalia d M-25:

DESPERTAR  /erguem-se capitães

a pátria vos aguarda
convosco a glória
/
erguem-se capitães
o dever vos exige
o sacrifício maior
/
erguem-se capitães
abril é liberdade
liberdade é hino
/
erguem-se capitães
alvorada vos advoga
na hora da verdade
/
erguem-se capitães
a parada pronta
a receber a honra
/
erguem-se capitães
aqui jaz a loucura
da dinastia de kubadura
/
Na Lingua Kabuverdianu, kada gota ta kunta!Forsaeria, 25  d Moi d 2010Antóniu Santiagu Oliveira - Olisantu Militant d SidadaniaCapAM(Ref)00016175Tel:(238)2411827;Mov:9937349Email: oliversan3@hotmail.comhttp://olisanto3-nateliza.blogspot.com

 http://liberal.sapo.cv/noticia.asp?idEdicao=64&id=36085&idSeccao=527&Action=noticia (31JUN2012)