FINALISTA 2012

JARDIN INFANTIL OMCV SAL - FINALISTAS 2012

Jardin Infantil OMCV Sal,  situod na sidad d Sparg, na zona d Boa Vista, rua “8 d Marsu”,  e frekuentod anualment  pa  serka d 100 (sen) kriansa, akunpanhod pa  4 (kuatru) Orientadora formadu na aria pre-skular.

Na anu letivu 2011/2012, k inisia 23 d Setenbr d 2011, inskreve 96 (nuventa i seis) kriansa: 25 na Maternal (2-3 on), 31 na Infantil (4-5anu) i 40 na Pre-skular (5-6 anu). So 69 (sesenta i nov) d es txiga na fin, devidu a alguns transferensa i dezistensa (ifeit d krizi na Djadsal).

Extra-Kurrikular, foi intruduzid LINGA INGLEZA  na pre-skular. Inflisment nen tud kriansa  d es nivel d insin  pud partisipa, pa falta d kundisons pa paga un kota sinboliku d 400$ mensal. Grasa a parseria d alguns pesoa individual i instituison publiku i privadu, Jardin kunpri kalindar d atividad prugramod i apruvod pa Koordenasaun d Pre-skular / Delegasaun d Ensinu na Sal.

Na pasod dia 20 d Julh, d 15h00 a 18h00, pa inserra anu ku xav d or, realizadu Serimonia d Inpuzisaun d Fita i entrega d DIPLOMA di konkluzon di Pre-skular pa 35 FINALISTA 2012 (19 mnininha i 16 musinhu), na Klub d Kumand d Sgunda Rejiaun Militar na Djadsal.

Na Programa d atividad kunstaba:

• Demonstrasaun d kunhesiment d linga ingleza;
• Kantiga i Dansa;
• Teatru / Anbiet (protesaun d tataruga);
• Inpuzisaun d Fita, intrega d Diploma i sesaun d fotografias;
• Entrega d DIPLAMA DI MERITU pa parsers d on 2011/12:  Victor Évora – Garantia; Sonia Stacchezzini - Progetto Sorriso; Manuel Adrião – SOCOL; Mário Paixão - ASA-SA; Carlos Lopes – Carlos de Djena; Maria Vieira - Foto Vieira; Tito Cruz;  Severo Oliveira; i Santiago Oliveira.
• Lanxu (lanx) ma pais/inkarrigod d idukasaun.

Jardin Infantil OMCV Sal, un opsaun pa bu fidju!  Inskrisaun abertu tud dia na periud d manhan (9h00-12h00).

 Forsaeria, 23 d Julh d 2012.

Olisantu Nateliza