KAMINHAT SOLITARIU
Kunform
kumnikod d Grup Vida Saudava ( GVS ), kaminhada d setenbre fka adiod ( andjor kansalod ). Ami pa ka pirde ritme, N
po pe na kamin 05h45, partindu d FA na
diresaun fin d pista ( AIAC ), kaminhandu na Ribeira Funda te Kaza d Soldod,
spoz sigi marxa, pasandu pa Kalheta d
Bilha, Bilha d Tataruga. Ali ( BT ) N faze un paraja pa un bonh d pixsina
natural. Dipos ( 8h00 ), N panha via rapidu ( “Strada d Ultimu Jerason” ,
anpristond frazi di Zmania- PMCV ), N ruma pa nha kuartel jeneral – BFA, vagaun
nº 9. Pa testemunha nha stravagansa i amor a kamizola d GVS, junt alguns ratrot ( imajas “legal i etiku” ),
“ETIKU” – palavra k nos politikus ( situason i opozison ) ta deskunxé !.
Afinal,
es kaminha d fidelidad ma GVS, era pa ser fet ma Sr. Emanuel Oliveira, k te fexi d es Relatu di Viaja, inda ka justifika
falta. D serteza, kel ta ben kun papilin
d “Forsa maior”, pa justifika . Mesmu asin, N ta gradise-l, pamo si k fose N ka
taba da disfrutu d labanta 5h pa kurré txada, spoz d un not mal durmid (
preokupasaun na ka falta kunpromis ).
A tud
nhas kunpanhera i konpaher d GVS, un rest d bon dming, bon inisie d smana.
Abras(u)
pa kada un d buses (GVS), e leitors d olisantu.
29 d setenbre d 2013 – VIRAJA NA STORIA D KAB
VERD , revizon di konstituison , abertura demokratiku
Sem comentários:
Enviar um comentário